دمـوع الـحـزن
سـالت دمعتـي غصب مكدر اسكنها
وطَبكت جفـن بجفـن دمٍ جرى منها
سالت وهملت همل بين الرمش والعين
ما دريت بوجنتـي ادمت تـرى منها
شرايع حزن وهموم سـطرها الوكت
سايلت اهل الهوى يا هو الذي سنها
اشوف دمـوم صبت خلطت بدمعاتي
بخدي تركت والوجن اكبر اثـر جنها
هاجت غفل كل عظـاي من ثكل همي
ماعت الروح بألـم وما بطلت ونهـا
كثرن بلاوي الزمن صارن ترى هوايه
واعلن عليَّ الحرب وبزوده هل شنها
ما أكدر أصـد ولاتنفـع بعد صداتي
جم صده اصدن بعد خابت علي ظنها
الدنيه تلعب لعب وتسعى بغدر راعيها
الما يعرف اسلوب اللعب ضايع ترى بفنها