يا حسافه وياك تعبي ضاع وبلحظه نسيته

((ياحسافة))

ياحسافه وياك تعبي

ضاع وبلحظة نسيته!

ياحسافة كاس دمعي؟

اشكثر لميتة وجفيتة!

يلي حبك حلم يقظة!

وانيّ بالروح اشتريته..

ويلي طبعك من كَـزاز

وانجرح لو شابكَيتة..

ويلي حبك من سراب!

وانيّ عطشان واجيتة..

يالذبحت أشعاري بيدك

واحركَت حرفي وهويته!

يالزرعتك وسط روحي!

وبس دمع تالي حويته..

ترستلك جفي كَمرة؟

وانته بجفوفك طفيتة!

ثاري دربك من ضباب

وانيّ ما ادري ومشيته!

لا تظن عطشانة روحي

وبس نبع مايك رويته؟

ولا تِحَسب هذا كَلبي؟

ينتهي لو فاركَيتة؟

روح عني ما أريدك!

كل اثر حبك محيتة!

اعتبرتك ماضي اسود!

فات..وتعده..ونسيته

شكرا لك يا اخي شرحبيل على مرورك الجميل تقبل مني اجمل التحايا ............اخوك ابو سرحان العبيدي