من وحي الخفاجية

من
وحي الخفاجية

يذيب يالي تعوي جوعان ***انطح سروت الخفاجية

عوف السرا واترك الگطعان*** وارتع بجند المجوسية

ياذيب صوت على الوديان *** وادعو لها كل مجفية

شت ِ وگيظ ياابو سرحان *** معارتِِ يشفيك طارية

من لشاشهم عطنت الگيعان *** واشعاب سالت مجارية

ويا صدر ابچ على العجمان *** بحر بها لشاش مرمية

حوشتهم من كل الاركان *** الحا تگلگ مطاوية

لملمتهم خزلة الطليان *** وارسلتهم للموت جمعية

وياصدر اجزر على الخرفان*** گله النصر جربت محارية

نصر وهزيمة غدت سيان *** عنده استوه زينها ونية

مار اتهبا سربة الچذبان *** سربة عفون ِِ حرامية

والعفن بحر على ايران *** ادعيتها بدم مغشية

وين الهجوم الگلت طوفان *** يركا جبالة وبوادية

الله على وگفة الفرسان *** منهم صرت شاة مكية

ادعيت جندك هدف للدان *** بحر بها سروت مطوية

من فوگكم حاموا العجبان *** تسابگوا للموت نشمية

جتك ميوگ تصب نيران *** وترا لها بالجو سمتية

ياصگورنا منكم العدوان *** شافوا نجوم الظحاوية

هذي ظرايب ولد گحطان *** والخبر عند المجوسية

عدكم خبر من بني شيبان *** ذي قار تروي محاچية

شدوا على شهب ِوحيزان*** وبيمانهم بيظِِ يمانية

من فوگهن شلوا العدوان*** نعمين عرب مثارية

يساعة يعرض الديان *** يشرب مرار وغثاوية

بجيفهم ربعت غربان *** والي رتعت بيه واوية

من ذاك ظلت تلوك عنان *** وخيولنا للسوح محذية

ملت حديدة تبي الميدان *** مصمرة وتنطر مهاوية

ولنه العفون بوسط طهران *** وگلوبهم بالحقد مدمية

مدوا اديهم زفر جربان*** ما حسبوا بالحد نشمية

عراگ يتلاطم تگل بركان *** وياراية للنجم سارية

وصدام لمن تروغ اذهان *** السوح تركع لطارية

يابطل تسلم الشجعان *** يعرب لگت بيك حادية

والي بگم انتصب شيطان *** بلل من الذل صادية

صالوا حيودِِ تگل شيهان *** تهز الجبال ورواسة

وعالگاع سارت تگل ضلعان *** ترعب الرعب ومحاچية

ليا مطرت دم ودخان *** وغراب حام برابية

السوح تشهد وظرب الدان *** للموت نرگص بچفية

يستاهل ِ ديرة الفنجان *** الي وگف بنحور اعادية

جيش العقيدة الاخذ نيشان *** وبفعال صطر مواضية

بارض القدس حالت الغدران*** تشهد جنين وروابية

وياما بسينا دخلنا كوان *** وصبنا بهنتر مرامية

والنا مواضي على الجولان *** تشهد بها كل سورية

عالكون جينا تگل عطشان *** نمسح دموع الدمشقية

كوبة تكوبك يابو سليمان *** منگب زفر للخمينية

وياما وگفنا على تاتان *** تشهد ذراه ومعالية

والنصر دمنا غدتله ثمان *** غنت بنا السوح مزهية

ايضا وعرج على مهران*** وانشد زمر الحرامية

يالگوةِِ مالها مزبان *** بالشوم جند الخمينية

والدگة الصارت على الكارون *** والي انتخوا به عراگية

يوم اكتبوا به ولد شجعان *** تاريخ امة ومعالية

ياخلف سلم على نجيمان *** وخبره بدگة الخفاجية

گله الزلم كاروا الجعمان *** وضبيحهم يتگول واوية

جوهم ولدنا تگل نيسان *** والابحر مد طامية

القيت في المهرجان القطري للشعر الشعبي بحظور الاستاذ لطيف نصيف جاسم وزير
الاعلام

ولقيت لمرات عده في تلفزيون بغداد واذيعت لمرات عدة

شكرا لك ودمتم للخير وبارك الله بيك على هذه القصيده الرائعه وشكرا........مع تحيات ابو سرحان العبيدي

اهلا بك منور الصفحه تحياتنا الحارة لكل الشرفاء والغيارى في العراق والوطن العربي