ديوان العبيد

بعد ماراح ثلث من اول الليل وبقـي ثلثيـن
سرابي هاجسي لكن مـدري كيـف معـواده
سرابي يوم عميان القلوب بنومهـم غافيـن
منام الخبل مايحتاج فـوق فـراش ووسـاده
كبير القلب مذهوب الحضاير بـارد الخديـن
ليا منه رقـد يرتـاح فـي نومـه ومرقـاده
وانا سهران والنـوم ايتعـدا مايمـر العيـن
ازايم هاجـس فالقلـب مصـداره وميـراده
ولا فكرت فالدنيا تروح مـن ايـن ولا ويـن
شغلت البال في نضم البيوت وجـات منقـاده
قصيده وافيه واصل الوفا من ميزة الوافيـن
رجال بالوفـا دايـم وفعـل الطيـب معتـاده
على شان البيوت اللي يجي تفسيرها ذالحين
افسرها وعنـدي موهبـه فالشعـر وايـراده
ابا اعبر بمضمون القصيده والعلـوم اتبيـن
بعد جربت واستغربت من هالوقـت وجهـاده
زمان ياعسى ربي على بلـواه بـس ايعيـن
يعاندني وانا صابـر علـى بلـواه وعنـاده
لقيت النذل ماله هـم غيـر العالـم المقفيـن
على اعراض الرجال المقفيه صبحه ومهجاده
يحسب ان الرجال اهل الوفا عن كلمته دارين
كلام النذل ماينقـص مـن الطيـب ولا زاده
ماينقص من هل العادات نقال الكلام الشيـن
طويليـن اليمانـي بالرذيلـه مالهـم عـاده
عوايدهم يضوون الجميلـه فالقسـا والليـن
ليا حان اللزوم ارقابهـم ترخـص وسـداده
على درب الشرف مهما يصير بدربهم ماشين
اهل ذمه واهل صدق او وفاء وخلاص وعباده
لكن الخبل ما تلقى معه وحده مـن الثنتيـن
ضعيف زنود لا مكفات شـر ولابـه ازيـاده
لاينفع ربعـه الاقصيـن ولا ربعـه الادنيـن
مغير يشب نار الحرب بين النـاس بزنـاده

اشكرك على مرورك الجميل واهلا وسهلا بيك وتحيه للمنتدى والى مدير المنتدى الاخ شرحبيل العبيدي