ابيات شعر

يا طيب الريح ريحك من نشمه ورد
ضعت بدلالك وكلبي علمصايب ورد
من ايدي القلم سار خط الحروف عني ورد
يمتا انتلاكه روحي رايدة مواصلك
اني بالانبار وانت ساكن بموصلك
صدكني ماجيك يم بابك بعد موصلك
ملتني الناس من كد ما اروح وارد





يانايم الليل جفني والمنام عداي
بحلامك اتيه واني على الهموم عداي
لوعات منك شفت يامهجتي وعداي
صابر على الضيم بلجي على اليحبك ترد
ويجيبك اللال ومن دمع البيابي ترد
كل ما ادك هاتفك واكول انته ترد
مشغوله الخطوط وندب قسمتي وعداي



الدهر ياصاحبي وياي خواني
ينكص عددهم شماعديت خواني
ويومن تنخيت محد كال خي اني
ربعك صفولك عدى وكتك صفى مصلحه
سله بغيابك لوصار كبلك مصلحه
ولو سو تفاهم بدر وي صاحبه مصلحه
وينساك لوتفرش الجفين خواني