قصيدة التوبة للشاعر عباس هديب العبيدي

توبه نصوحه من هوى البيض توبه
ذقت العنا من ريمة الاعضمية
شرعت جفني مركب وابحروبه
ومن بير كلبي واردات دلية
يخاينن بالحب الحب نوبه
يكفيك بالهجران حمل الخطية
حلفت ما اعني الجدم بي دروبه
ولا عاشر ابدا كل ذات ردية
ذيج الليالي ملهن من حوبه
كلي اشجنينه وش بدر من سية
كثرة محبتك بالكلب هي ذنوبه
وبنون عيني صورتك ذيج هية
تشهد علينا الشمس ساعة غروبه
ويشهد علينا اللي طلعته بهية
ادعيت كلبي يابسات عشوبه
مثل اليتيم الفاقد امه وابية
اركض وراك وجن عيني معصوبه
اركض ورة لال عباليه مية
يجور كلبك بي ليالي الخطوبه
ترسل الدعوة تا نحضر المنية
يحيف ياللي بيك روحي بلوبه
اخاف من يومن تجيك الاذية
يا ريمة البيضه تمايل عذوبه
والراد وصلج كاسيات عصية
عندة الاموال ومن جديد الركوبه
وعندة القصور الزاهيات الفضية
مير البلا علحب نفسه محجوبه
ذاك الوكت ما ينفعك من شكية
عمر بلا حب جسيمة خطوبه
شتان ما بين الدجى والضوية
يخاينن درب الهوى لاتجوبه
اياك من كولة عشيرين لية
بغيت قصر عاليات جنوبه
وستاير صنع العجم والثريا
هذا مرامج والغدر بان ثوبه
عساج بي دار السعادة هنية

» ابيات رائعة للشاعر عباس هديب العبيدي
» قصيدة الشاعر عباس جيجان ردا على هيئة المساءلة والعدالة
» قصيدة التوبة
» بعض ما جاء في كتاب الشيخ كهلان السمرمد العبيدي
» قصيدة اكابر