عنوان القصيده ...اسكت لا تكول

شيبني زمان الشوم والهم
ادك الصبر ثلث اوكات ولهم

عسى اللي ضيعوا بغداد ويل الهم
جهنم والف نوع من العذاب

اسكت لا تكول اهواي مشتاكين

واسكت لاتكول اسنين تا نيتك
جنت كلش اعزك ولتريده ايصير

تامرني حبيبي خادم وجيتك

ما جنت اني اضن بيوم لحظه انساك

ولا بلبال مره ابيوم غثيتك
مو انت الوحيد البلكلب مطبوع

وعلى الذرعان يالبذات ربيتك
هذا انا الوطن تنساني انت شلون
ولا تصد ك ابد فد يوم جافيتك
مو اسمي العراق وبس عليك يلوك

وعلى راس النجم بجفوني خليتك

جم جنسيه عندك يل تجي وتصيح

عراقي اني تظل جنسيتي جنسيتك

ضنيتك تظل درعي وتصد اسيوف

وعلى الصعبات والكلفات ضميتك

غشيم اني نعم لا ماعرفت اختار
وبحلى اسماء يل خوان سمتك
روح امشي ولي ولا تجيني اتكول

سامحني حبييبي وكاعد ابيتك

مع تحيات
أبو سرحان العبيدي